Les mots surlignés font l'objet d'une note
1Monseigneur, par Jehan de Cosme, present porteur, jey receu la
2lettre quil a pleu à votre segnorie mescripre, et suyvant ses
3memoyres vous envoya la tatiffication faicte par ma femme du
4dernier arrentement, ensemble troys centz cinquante livres pour
5le terme de St Jehan dernier escheu. Il a veu et visita
6les reparations quont estés faictes en vous moullins qui
7sont en bon estat, ensemble les maisons et grange. Je
8luy bailhay, quand il allat à Bully, ung extraict du
9comte de vous rantiers que je apportey lors que y
10fus avant Pasques pour voyr le donaige [sic] que vous
11avoyent faict les eaulx en vous prés ; et estant sur
12le lieu, il a faict faire une petite reparation du long
13de ladite rivière qui servirat bien. Quant à ce quil vous est
14deus par monsieur et ma damoyselle de Riberas, je suis davis
15pour ne perdre le temptz à y aller, que lon bailhe à votre rantier
16d’Arbigny, lesdites obligations pour les recepvoyr. Il vous dirat
17tout ce quil a negotié, qui me garderat ne la vous faire
18plus longue. Quant à ma santé, la Dieu grace, je
19commence à me remectre et comme jey esté levé, ma femme
20a prins la place dunne fievre tierce qui, presentement, la
21laisse en tout ce lieu. Je ne sache deux maisons qui
22soit exemptz de malladie. Quest tout ce que presentement vous
23puys escripre, pour prier Dieu
24monseigneur, donner à votre segnorie en très parfaicte santé
25très longue et très heureuse vie. De St Saphrien, ce V sepbre
261571.
27Votre très humble à jamais
28Très hobeyssant serviteur
29Yvonet